Спасибо,
Джейк Чемберз. Он поделился со мной текстом молитвы, которую патриарх читал на молебне. Спасибо огромное!
Мне интересно еще потому, что я так понимаю, эта молитва составлена непосредственно к этому молебну, но на основании того, как молился за Россию патриарх Тихона в годы революции и гражданской войны, во время гонений на церковь.
текст
О еже милостивым оком призрети на Церковь Свою святую и сотворити ю невредиму и непреобориму от восстающих на ню и попирающих святыни ея, молим Тя, милосердый Господи, услыши и помилуй.
О еже просветити мысли неверием и ожесточением помраченных светом Своего богоразумия, верных же Своих укрепити и непоколебимых в правоверии соблюсти, молим Тя, всесильный Творче, услыши и помилуй.
Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства, клятвопреступства и прочая беззакония прекратятся, истинная же любовь да царствует в сердцах наших, молим Ти ся, Спасителю наш, услыши и милостивно помилуй.
Возглас: услыши ны Боже, Спасителю наш...
Хор: аминь.
Далее святейший патриарх чтет молитву:
Всевышний Боже, Владыко и Содетелю всея твари, наполняяй вся величеством Твоим и содержай силою Твоею.
К Тебе великодаровитому Господу нашему припадаем, сердцем сокрушенным исповедающе грехи и беззакония наша, имиже прогневах Твое благоутробие и затворихом щедроты Твоя. Сего ради уничижением и поношением поразил еси нас, попустихом храмы Твоя дати на поругание.
Премилосердый и всесильный, не до конца гневайся, Господи! Буди милостив нам, молит Тя Твоя Церковь, представляющи Тебе Начальника и Совершителя спасения нашего Иисуса Христа. Укрепи нас в правоверии силою Твоею, заблуждающим же просвети разумныя очи светом Твоим Божественным, да уразумеют Твою истину, умягчи их ожесточение, утоли вражды и нестроения на церковь Твою силою диавольскою воздвизаемая, да вси познают Тебе, Господа и Спасителя нашего.